У Польшчы ўведзеная абавязковая рэгістрацыя SIM-картак
27.07.2016 / 16:58
У Польшчы пачаў дзейнічаць новы закон пра антытэрарыстычныя дзеянні, які абавязвае аператараў мабільнай сувязі ідэнтыфікаваць абанентаў.
З 25 ліпеня 2016 года немагчыма будзе купіць новыя SIM-карткі, не паведаміўшы аператару свае пашпартныя дадзеныя. Ужо набытыя карты будуць актыўнымі да 1 лютага 2017 года. Каб мець магчымасць карыстацца імі, таксама трэба будзе прадставіць свае дадзеныя, бо ў адваротным выпадку яны будуць заблакаваныя.
Прайсці рэгістрацыю можна ў адпаведных салонах сувязі. У Польшчы каля 27 мільёнаў незарэгістраваных SIM-карт. Паколькі іх трэба будзе зарэгістраваць, то ў бліжэйшы час у салонах сувязі чакаюцца чэргі.