Навукоўцы назвалі прычыны, па якіх разыходзяцца закаханыя пары
05.08.2016 / 17:26
Псіхолагі з ЗША правялі чарговыя даследаванні, спрабуючы высветліць, чаму ж многія пары разыходзяцца, як толькі пачынаюць жыць разам. Дадзенае даследаванне пацвердзіла, што ў асноўным так здараецца праз тое, што закаханыя не могуць прыйсці да кампрамісу ў многіх бытавых пытаннях.
liveinternet.ru
Даследаванні праводзіліся шляхам апытання некалькіх дзясяткаў добраахвотнікаў. Як аказалася, многія з іх не хацелі ахвяраваць сваім вольным часам або асабістай прасторай у імя кахання.
Праз тое, што пара пражывае на адной жылплошчы, яны праводзяць разам вялікую колькасць часу і пачынаюць знаходзіць адзін у адным недахопы і нейкія раздражняльныя звычкі.
Спецыялісты раяць часам адцягваць увагу ад сваёй другой палоўкі: праводзіць час з сябрамі, бываць у якіх-небудзь новых месцах.