Ściahanoša Karaleŭstva Tonha, ad jakoha «Marakana» ašaleła
06.08.2016 / 14:10
Stadyjon byŭ u zachapleńni, sacyjalnyja sietki taksama. 32-hadovy tekvandyst Pita Nikałas Taŭfatafua vynies ściah svajoj krainy ŭ samym aryhinalnym kaściumie.
Jon byŭ adziety ŭ nacyjanalnuju cynoŭku, i bolš ničoha.
Tolki svajo cieła jon vymaściŭ alejem.
«Choraša! Pryhažun!» — kryčali na trybunach.
«Uniforma Tonha: masažny alej, prosta masažny alej», — žartavali ŭ sacsietkach.
Taŭfatafua naradziŭsia ŭ Aŭstralii, a žyvie i trenirujecca ŭ Oklendzie, Novaja Ziełandyja, ale zaciata dabivaŭsia prava vystupić za krainu, ź jakoj pachodzić jahony baćka.
Na Alimpijadu jon prabiŭsia z treciaj sproby.
Darečy, jon nie pusty čałaviek. Taŭfatafua ŭsio žyćcio adpracavaŭ u prytułkach dla biednych.
Voś jahony instahram:
Tonha — maleńkaje astraŭnoje karaleŭstva ŭ Akijanii. Jaho vialikaja prablema — atłuścieńnie (90% nasielnictva) i cukroŭka, na jakuju chvareje piataja častka žycharoŭ. Ale Taŭfatafua atłuścieńnie nie pahražaje.
Na Alimpijadu ŭ Rya ad Tonha pryjechali 7 atletaŭ.
Taŭfatafua budzie vystupać ad 19 žniŭnia.