На 700-годдзе рубля ў Расіі зладзілі імправізаваны бой паміж далярам і еўра — у басейне з чорнай ікры
09.08.2016 / 12:01
У расійскіх сацыяльных сетках набірае папулярнасць відэа з шыкоўнай вечарыны ў гонар 700-годдзя рубля, якая прайшла 7 жніўня ў маскоўскім «Прэзідэнт-гатэлі».
У кадр трапіла адна з забавак, падрыхтаваных для гасцей — «бой» дзвюх мадэлей у басейне з чорнай ікрой.
Мадэлі сімвалізавалі сабою заходнія валюты: даляр (якая леваруч) і еўра (праваруч).
Паведамляецца, што такім чынам арганізатары спрабавалі запэўніць прысутных, што сітуацыя з расійскім рублём стабілізуецца — мерапрыемства нібыта прайшло пры падтрымцы Міністэрства культуры РФ.