Эрдаган паабяцаў Парашэнку падтрымліваць пазіцыю Украіны наконт Крыма
21.09.2016 / 08:35
president.gov.ua
Прэзідэнт Турцыі Рэджэп Таіп Эрдаган паабяцаў прэзідэнту Украіны Пятру Парашэнку, што Анкара не адмовіцца ад сваёй пазіцыі адносна далучэння Крыма да Расіі. Пра гэта ён заявіў у рамках сустрэчы двух лідараў на палях 71-й сесіі Генеральнай Асамблеі ААН у Нью-Ёрку.
Эрдаган адзначыў, што Турцыя і далей мае намер падтрымліваць Кіеў у пытанні аднаўлення суверэнітэту і тэрытарыяльнай цэласнасці Украіны як у двухбаковым, так і шматбаковым вымярэннях.
Таксама ён падкрэсліў, што аднаўленне дыялогу з Расіяй не адаб'ецца на пазіцыі Турцыі.