U Mačuliščach žančyna naradziła i vykinuła dačku ŭ śmiecciepravod ź siomaha paviercha
21.09.2016 / 10:44
Pozna ŭviečary ŭ Mačuliščach znajšli novanarodžanaje niemaŭla. Adrazu paśla rodaŭ 28-hadovaja žančyna vykinuła dačku ŭ kantejnier dla śmiećcia.
— Na ciele dziciaci množnyja kołata-rezanyja traŭmy. Na ščaście, dziaŭčynka žyvaja i ciapier źmieščana ŭ balnicu, — raspaviali kp.by u pravaachoŭnych orhanach.
«28-hadovaja žančyna, naradziŭšy pa miescy žycharstva dzicia, vykinuła jaho ŭ śmiecciepravod ź siomaha paviercha šmatkvaternaha doma», - raspaviali Tut.by ŭ SK.
U ciapierašni čas novanarodžanaja dziaŭčynka znachodzicca ŭ reanimacyjnym addzialeńni.
Padazravanaja znachodzicca na lačeńni ŭ balnicy. U dačynieńni da žančyny płanujecca praviadzieńnie kompleksnaj psichołaha-psichijatryčnaj ekśpiertyzy.