Каб выратаваць удзельнікаў ДТЗ пад Фаніпалем, спатрэбілася дапамога МНС ФОТА
На трасе Р1 ў раёне Фаніпаля па кірунку Мінск—Дзяржынск сутыкнуліся Volkswagen і Hyundai.
25.09.2016 / 20:59
«У 15:19 ад відавочцаў паступіла паведамленне пра ДТЗ на 22-м км на аўтадарозе Р1 паблізу вёскі Чачына, — пацвердзіла інфармацыю Onliner.by прэс-сакратар Мінскага абласнога ўпраўлення МНС Крысціна Барэйка. — Адбылося сутыкненне Volkswagen Passat B5 і Hyundai Sonata».
Работнікамі МНС пры дапамозе спецыяльнага інструмента з Hyundai былі дэблакаваныя кіроўца 1964 года нараджэння і пасажыр. Яны былі дастаўленыя ва ўстанову аховы здароўя работнікамі медыцынскай дапамогі. Кіроўца Volkswagen не пацярпеў.