Madura paabiacaŭ pavysić minimałku na 40% — da $138
27.10.2016 / 22:33
Prezident Vieniesueły Nikałas Madura paabiacaŭ pavysić pamier minimalnaj zarabotnaj płaty ŭ krainie na 40% paśla zakliku apazicyi da ŭsieahulnaha strajku ŭ piatnicu, paviedamlaje Bi-bi-si.
Takim čynam, minimalny pamier apłaty pracy ŭ krainie składzie 90,9 tysiač balivaraŭ (kala 138 dalaraŭ ZŠA).
Akcyja pratestu suprać Madury ŭ Karakasie, Reuters.com
Madura taksama abviaściŭ, što ŭsie kampanii, jakija spyniać svaju pracu ŭ dzień strajku, pryznačanaj na 28 kastryčnika, buduć padvierhnutyja ŭradavym pravierkam.
U čacvier niekalki sotniaŭ prychilnikaŭ Madury sabralisia kala budynku kanhresa Vieniesueły, dzie zakanadaŭcy abmiarkoŭvali mahčymaści skidańnia Madury z prezidenckaj pasady.
Napiaredadni šmatlikija akcyi pratestu znoŭ vylilisia ŭ sutyknieńni demanstrantaŭ z palicyjaj, u pryvatnaści, u raźmieščanych na zachadzie Vieniesueły haradach San-Krystabali i Marakajba.
Akramia piatničnaj zabastoŭki lidary apazicyi zaklikali vieniesuelcaŭ vyjści na marš da prezidenckaha pałaca 3 listapada, kali ŭrad nie adkliča svajo rašeńnie ab błakavańni refierendumu ab impičmiencie Madury.
U aŭtorak kantralavany apazicyjaj parłamient Vieniesueły (Nacyjanalnaja asambleja) prahałasavaŭ za pačatak sudovaha pracesu nad Nikałasam Maduram.