Indaniezija vyrašyła prypynić siabroŭstva ŭ APIEK

30.11.2016 / 20:54

Indaniezija zajaŭlaje ab svaim rašeńni prypynić siabroŭstva ŭ Arhanizacyi krain — eksparcioraŭ nafty (APIEK). Pra heta paviedamlajuć infarmahienctvy sa spasyłkaj na infarmacyju telekanała «Al-Arabija».

Miž tym siońnia ŭ stalicy Aŭstryi Vienie prajšła sustreča pradstaŭnikoŭ krain — siabroŭ APIEK. Udzielniki sustrečy pryjšli da pahadnieńnia skaracić zdabyču nafty na 1,2 młn baralaŭ da 32,5 młn baralaŭ u sutki.