Латарэя Кіраўніцтва спраў прэзідэнта беларусізавалася на 50%
07.12.2016 / 01:20
Тэлегледачы заўважылі змены ў праграме «Ваша лато» (заснавальнік латарэі — Кіраўніцтва спраў прэзідэнта). Раней перадачу паказвалі па нядзелях на «Беларусь-2».
Цяпер жа «Ваша лато» ідзе па аўторках на «Беларусь-3», які лічыцца беларускамоўным каналам.
Таму давялося крыху беларусізаваць праграму. Адна з дзвюх вядучых, Вольга Венская, цяпер размаўляе на нацыянальнай мове. Па-беларуску цяпер вырабляецца і рэклама, пераклалі і лагатыпы на мультымедыйных экранах у студыі.
А вось асноўны вядучы, Аляксандр Бугаеў, усё яшчэ рускамоўны.
Зрэшты, не абышлося і без ляпаў. Адзін з раўндаў гульні цяпер называецца «Дванаццаць стулляў».