Домрачаву ўключылі ў склад беларускай зборнай на чацвёртым этапе Кубка свету
Чацвёрты этап Кубка свету пройдзе з 5 па 8 студзеня ў нямецкім Оберхофе.
30.12.2016 / 20:32
Дар'я Домрачава. Фота belarusianheroes.com
Дар'я Домрачава прапусціла папярэднія этапы Кубка свету ў сувязі з нараджэннем дачкі. Біятланістка аднавіла трэніроўкі ў канцы кастрычніка.
26 снежня іншая беларуская біятланістка Анастасія Кінунен (Дубарэзава) завяршыла выступленні ў гэтым сезоне ў сувязі з цяжарнасцю.
Склад зборнай у Оберхофе:
жанчыны — Дар'я Домрачава, Надзея Скардзіна, Ірына Крыўко, Дар'я Юркевіч, Надзея Пісарава, Дзінара Алімбекава, Ганна Сола;
мужчыны — Уладзімір Чапелін, Раман Елетнаў, Максім Варабей, Аляксандр Дарожка, Сяргей Бачарнікаў, Дзмітрый Дзюжаў.