Minčanka nabyła ŭ šapiku cukierku, ale pad abhortkaj byŭ… kavałak DSP FOTAFAKT
04.01.2017 / 16:45
Žycharka Minska Alona Balcava napiaredadni Novaha hoda nabyła ŭ šapiku «Biełsajuzdruka» na vulicy Jakuboŭskaha cukierku «Ptušynaje małako», ale niečakana znajšła pad abhortkaj kavałak DSP.
Fota z facebook.com.
«Ja navat nie zrazumieła adrazu. Dobra, što nie pakaštavała łaminavany DSP na zub», — adžartavałasia dziaŭčyna.
My pazvanili ŭ addzieł kantrolu jakaści «Kamunarki», kab spraŭdzić, jak draŭlana-stružkavaja plita mahła trapicca ŭ cukiercy. Supracoŭnica addziełu Iryna Bajračenka patłumačyła, što pradpryjemstva admysłova pa zakazu «Biełsajuzdruka» vypuścili admysłovyja makiety z DSP. Jany pryznačanyja dla vykładańnia na palicy, kab nie psavalisia, ich nie krali i h.d.
«Ale ŭ damovie było prapisana, što takija makiety nie mohuć pradavacca», — adznačyła spadarynia Bajračenka.
Vyhladaje, što ŭ šapiku pamylilisia — i zamiest sapraŭdnaj cukierki pradali mulaž.