Спецыялісты высветлілі, як падоўжыць жыццё бацькоў і зрабіць яго лепшым

Эксперты з Універсітэта Каліфорніі ў ходзе даследавання выявілі просты спосаб, як падоўжыць жыццё пажылым бацькам і палепшыць іх настрой, паведамляюць інфармагенцтвы.

15.02.2022 / 11:11

Фота: Thinkstock

«Рэцэпт», які прапануюць навукоўцы, не патрабуе вялікіх фінансавых выдаткаў, затое можа паспрыяць таму, што нашы бацькі будуць жыць даўжэй.

Спецыялісты высветлілі, што адну з галоўных роляў у паскарэнні працэсу старэння грае адзінота.

Так, навукоўцы назіралі за здароўем 1,6 тыс. пажылых людзей з сярэднім узростам 71 год. Даследаванне доўжылася шэсць гадоў.

За гэты час памерлі 23% удзельнікаў, з якімі не кантактавалі сваякі, і толькі 14% удзельнікаў эксперыменту, якіх рэгулярна наведвалі блізкія людзі.

Навукоўцы падкрэсліваюць, што нават некалькі гадзін у тыдзень і адзін тэлефонны званок у дзень могуць у разы павысіць шанцы нашых блізкіх пражыць больш доўгае і шчаслівае жыццё.

Таксама высветлілася, што ў сталым узросце для людзей усё большае значэнне маюць адносіны з сям'ёй, а вось дзеці і ўнукі, наадварот, маюць значна меншую патрэбу ў зносінах са старэйшым пакаленнем.