Kab dabudavać «Drazdy-2», sioleta z biudžetu vydzielać $259 tysiač
04.02.2017 / 11:49
Na pravavym partale Pravo.by z’iaviłasia inviestycyjnaja prahrama Minska na 2017 hod. U joj niekalki sotniaŭ ab’iektaŭ, jakija płanujecca pabudavać ci dabudavać u hetym hodzie.
Naprykład, uzhadvajecca novaja balnica dla čynoŭnikaŭ u Ždanovičach. «Kliničny miedycynski centr» pačali budavać u 2014 hodzie, a sioleta musiać zdać u ekspłuatacyju. U hetym hodzie na budoŭlu źbirajucca nakiravać 15 miljonaŭ novych rubloŭ z biudžeta Minska i jašče 60 miljonaŭ novych rubloŭ bankaŭskich kredytaŭ. Ahułam heta kala $39 miljonaŭ, kab skončyć budaŭnictva.
Ź inšych cikavych miedycynskich prajektaŭ varta ŭzhadać viertalotnuju placoŭku, jakaja pavinna z’iavicca kala balnicy chutkaj dapamohi. Jana budzie kaštavać biudžetu 1,4 miljona novych rubloŭ ($718 tysiač).
Tym časam praciahvajecca budaŭnictva ŭ Viaśnincy («Drazdy-2»). Na kompleksnuju rekanstrukcyju kvartałaŭ siadzibnaj zabudovy z biudžetu sioleta vydzielać 500 tysiač novych rubloŭ ($259 tysiač). Hetyja hrošy iduć nie na budaŭnictva katedžaŭ, a dla stvareńnia infrastruktury — budaŭnictva darohi, ustanoŭka lichtaroŭ i hetak dalej.
«Drazdy-2». Ilustracyjnaje fota Siarhieja Hudzilina.