U Homieli vajskovy patrul 15 chvilin haniaŭsia za rabaŭnikom u mascy
14.02.2017 / 14:33
Da troch vajskoŭcaŭ, jakija nieśli słužbu pa achovie hramadskaha paradku ŭ Centralnym rajonie horada kala vulic Hałavackaha i Mazurava, vybieh mužčyna ŭ čornaj mascy z žanočaj sumačkaj u rukach.
Mužčyna adrazu ž kinuŭsia biehčy, sprabujučy ŭ dvarach schavacca ad patrula. 15-chvilinnaja pahonia skončyłasia zatrymańniem złamyśnika.
Paciarpiełaja i vidavočcy paćvierdzili, što mienavita hety mužčyna vyrvaŭ sumačku.
— 26-hadovy hamialčanin byŭ raniej sudzimy za rabavańnie i chulihanstva. Da jaho ŭžyvalisia i prymusovyja miery lačeńnia ad chraničnaha ałkahalizmu, — raspaviali va UUS Homielskaha abłvykankama.
Pa fakcie ździejśnienaha rabavańnia haradskim adździełam SK raspačata kryminalnaja sprava.