Pucin vydzieliŭ hrant na «ruskuju vuvuziełu»
22.02.2017 / 21:42
Rasijski prezident Uładzimir Pucin rasparadziŭsia padtrymać prajekt pa stvareńni nacyjanalnaha muzyčnaha instrumienta zaŭziatara Rasii, paviedamlaje VVS.
Getty
Adpaviednaje rasparadžeńnie prezidenta RF — ab padtrymcy tvorčych prajektaŭ ahulnanacyjanalnaha značeńnia ŭ halinie kultury i mastactva — apublikavanaje ŭ sieradu na aficyjnym rasijskim internet-partale pravavoj infarmacyi.
Adzin z hrantaŭ prysudžany mastaku i majstru pa vyrabie ruskich muzyčnych instrumientaŭ z padmaskoŭnaha horada Elektrastal Rustamu Nuhmanavu «na ažyćciaŭleńnie prajekta pa stvareńni nacyjanalnaha muzyčnaha instrumienta zaŭziatara Rasii».
U dakumiencie nie ŭdakładniajecca, što mienavita moža ŭjaŭlać ź siabie hety muzyčny instrumient i jakaja kankretna suma budzie vydzielenaja majstru na jaho raspracoŭku.
Adnym z samych viadomych nacyjanalnych muzyčnych instrumientaŭ zaŭziataraŭ zastajucca «vuvuzieły». Imi aktyŭna karystalisia paŭdniovaafrykanskija zaŭziatary padčas čempijanatu śvietu pa futbole ŭ Paŭdniova-afrykanskaj respublicy ŭ 2010 hodzie.
Zaŭziatary zbornych inšych krain prychodziać na trybuny z dudkami, śvistkami i barabanami. U šatłandskich fanataŭ papularnaściu karystajucca dudy.