Змітра Дашкевіча на 2 гады пазбавілі пасведчання кіроўцы
13.03.2017 / 13:18
Змітра Дашкевіча на 2 гады пазбавілі правоў кіроўцы. Пра гэта распавёў сам апазіцыянер, які ў панядзелак выйшаў на волю пасля адбыцця трох сутак адміністрацыйнага арышту.
Пазбаўляючы правоў кіроўцы, Дашкевіча пакаралі за інцыдэнт у студзені, калі судовыя выканаўцы ў яго спрабавалі канфіскаваць аўтамабіль за нявыплачаныя штрафы за ўдзел у вулічных акцыях. Спрабуючы ўцячы ад эвакуатара, ён, нібыта, наехаў на нагу адной з прыставаў, у яе разбіўся мабільны тэлефон. Пазней жанчына напісала заяву ў ДАІ.