Udzielniki złačynnaj hrupy, jakaja vykrała bolš za 8 młn jeŭra z bankaŭskich kart, zatrymanyja ŭ Biełarusi
15.03.2017 / 17:47
Śledčym kamitetam Respubliki Biełaruś pry padtrymcy Jeŭrapała, Sakretnaj słužby ZŠA i palicyi Kipra spyniena dziejnaść arhanizavanaj złačynnaj hrupy, achviarami jakoj stali bolš za 130 tysiač trymalnikaŭ płaciežnych kart z 29 krain, pieradaje pres-słužba viedamstva.
Złačynnaja hrupa zajmałasia kampramietacyjaj kredytnych kart z vykarystańniem kampjuternych technałohij i škodnasnych prahram. Dla hetych metaŭ byli stvorany niekalki padstaŭnych anłajn-kram i fiktyŭnaja kampanija pa raspracoŭcy prahramnaha zabieśpiačeńnia.
Kibierzłačyncy źviazvalisia z lehalnymi apłatnymi anłajn-servisami i imitavali praviadzieńnie šmatlikich mižnarodnych tranzakcyj. U dalejšym vykradzienyja srodki pieravodzilisia na bankaŭski rachunak na Kipry. Dziakujučy vialikaj kolkaści tranzakcyj z maleńkimi sumami, źviazanymi ź internet-servisami, im niekalki miesiacaŭ ŭdavałasia zastavacca niezaŭvažanymi.
Suma naniesienaj škody składaje bolš za 8 miljonaŭ jeŭra. Čatyry ŭdzielniki hrupy, uklučajučy lidara, byli vyjaŭlenyja i zatrymanyja pravaachoŭnymi orhanami Biełarusi.
Sudom Frunzienskaha rajona h. Minska ŭ chodzie razhladaŭ pa hetaj spravie adnamu z fihurantaŭ byŭ vyniesieny prysud u vyhladzie pazbaŭleńnia voli terminam na siem hadoŭ.