AAN paviedamiła pra amal 10 tysiač zahinułych na Danbasie

15.03.2017 / 19:53

Pa źviestkach AAN, u chodzie kanfliktu na ŭschodzie Ukrainy zahinuli nie mienš za 9,94 tys. čałaviek. Jašče 23,5 tysiačy čałaviek atrymali ranieńni ŭ chodzie vajennych dziejańniaŭ pamiž prarasijskimi sieparatystami i ŭkrainskimi vajskoŭcami, havorycca ŭ spravazdačy manitorynhavaj misii AAN pa pravach čałavieka va Ukrainie. Spravazdaču pradstavili ŭ Kijevie ŭ sieradu, 15 sakavika, pieradaje Deutsche Welle.

Pry hetym kolkaść zahinułych siarod cyvilnaha nasielnictva pieravyšaje dźvie tysiačy čałaviek, paranienych — ad 7 da 9 tys., paviedamiła kiraŭnik misii Fijona Frejzier. Astatnija zahinułyja i paranienyja — vajskoŭcy ŭkrainskich uzbrojenych sił i sieparatystaŭ. Pa słovach Frejzier, daśledavańnie pravodziłasia z 16 listapada 2016 hoda pa 15 lutaha 2017 hoda.