Хлопца, што кідаў у мінакоў петарды з машыны, аштрафавалі

22.12.2017 / 15:27

18 снежня ў твітары быў апублікаваны ролік. На відэа маладыя людзі з машыны кідалі падпаленыя петарды ў людзей на прыпынках.

Сейчас представила, что на тех остановках могли бы стоять близкие люди и стало страшно.
Что это за род развлечений ? Почему им смешно? А если попадёт в кого-то?
Боже, это просто уму непостижимо
Мне кажется их надо найти и наказать. Я не права ? @OnlinerBY @tutby @mvd_by pic.twitter.com/xqSc6WHT3b

— vlast'_slava (@Vlast_slava) 17 декабря 2017 г.

«Па дадзеным факце была прызначаная праверка, па выніках якой супрацоўнікі Першамайскага РУУС выявілі асоб, магчыма, датычных да здарэння. Асноўны фігурант, які кідаў петарды, - 18-гадовы студэнт сталічнай ВНУ. Яго дзеянні кваліфікаваныя па арт. 17.1 КаАП Рэспублікі Беларусь («Дробнае хуліганства»), — распавялі ў міліцыі.

22 снежня ў Мінску адбылося судовае пасяджэнне — маладому чалавеку прызначылі пакаранне ў выглядзе 460 рублёў штрафу.

Як распавёў хлопец супрацоўнікам міліцыі, гэтыя петарды ён купіў на Новы год, аднак вырашыў дзеля забавы кідаць падпаліўшы ў людзей.

На пытанні чаму ён зрабіў, малады чалавек адказваць не стаў.