U ZŠA za sutki na Apple padali ŭ sud užo šeść čałaviek
U ZŠA suprać Apple padali pazovy ŭžo ŭ piaci štatach ciaham sutak paśla taho, jak kampanija pryznałasia ŭ naŭmysnym zapavoleńni pracy «starych» madelaŭ iPhone.
22.12.2017 / 18:24
Adzin z pazovaŭ byŭ padadzieny ŭ Kalifornii, piša CNBC. Pazoŭniki Stefan Bahdanavič i Dakota Śpis, jakija majuć namier pradstaŭlać usich uładalnikaŭ starych iPhone u ZŠA, śćviardžajuć, što nie davali zhodu na zapavoleńnie svaich iPhone 7, i zapatrabavali ad kampanii kampiensacyi «ekanamičnaj i inšaj škody».
Jašče piaciora karystalnikaŭ iPhone piataj, šostaj i siomaj madelaŭ padali pazovy ŭ štatach Ilinojs, Ahajo, Indyjana i Paŭnočnaja Karalina, piša Chicago Sun Times.
Zapavoleńnie pracy smartfonaŭ jany nazvali «padmannaj, amaralnaj i nieetyčnaj» praktykaj dla «prymusu karystalnikaŭ da kupli novych, bolš darahich madelaŭ iPhone, u toj čas jak zamiena batarei dazvoliła b im vykarystoŭvać staryja iPhone [z byłoj chutkaściu pracy]».
Niekatoryja pazoŭniki taksama patrabujuć hrašovaj kampiensacyi «škody».
Nahadajem, 21 śniežnia amierykanskaja karparacyja Apple ŭpieršyniu raspaviała, što zapavolvaje pracesary papiarednich madelaŭ iPhone z dapamohaj abnaŭleńnia apieracyjnaje sistemy.