U Biełarusi źjaviŭsia atrad rasijskaj «Junarmii». Jak tak adbyłosia?
16.02.2018 / 16:26
Smalenskija SMI paviedamlajuć, što na terytoryi Biełarusi sfarmavany atrady rasijskaha ruchu «Junarmija» — jany ŭdakładniajuć, što hety atrad staŭ «pieršym».
Biełaruski atrad z 26 čałaviek, maŭlaŭ, dałučyŭsia da smalenskaha rehijanalnaha abjadnańnia hetaj arhanizacyi — cyrymonija paśviačeńnia adbyłasia ŭ Baranavickim rajonie 10 lutaha.
Fota smolensk-i.ru
«Junarmija» — heta rasijski prajekt, u niečym padobny da pijanieryi, ale tut uchił robicca na militarystyčny składnik: kuryruje «Junarmiju» asabista ministr abarony Siarhiej Šajhu, jaki abiacaje siabram abjadnańnia ŭsie mahčymaści pa vajennaj padrychtoŭcy: «Budziecie stralać z usiaho, aproč rakiet». Asobnymi rehijanalnymi arhanizacyjami kirujuć ludzi, źviazanyja z «ŁDNR».
Hierb «Junarmii» — profil arła, majuć jany i svaju ŭniformu.
Fota TASS
U Rasii naličvajecca ŭžo kala 100 tysiač «junarmiejcaŭ», ale što tam robić atrad ź Biełarusi?
Jak vyjaśniłasia, biełarusaŭ u tym atradzie niama — heta dzieci rasijskich vajskoŭcaŭ, jakija słužać pad Hancavičami ŭ vajennaj čaści 03522 i absłuhoŭvajuć radyjołakacyjonuju stancyju Vołha.