Estonija abvinavaciła rasijski Ił-76 u parušeńni svajoj pavietranaj miažy

12.03.2018 / 23:11

Transpartny samalot Ił-76, jaki naležyć Minabarony Rasii, parušyŭ pavietranuju prastoru Estonii, zajavili ŭłady krainy. U MZS krainy vyklikali rasijskaha pasła i ŭručyli jamu notu.

Ił-76 Ministerstva abarony Rasii dniom 12 sakavika biez dazvołu uvajšoŭ u pavietranuju prastoru Estonii ŭ rajonie vyspy Vajndła, paviedamlaje Estonskaja hramadskaja teleradyjoviaščalnaja karparacyja (ERR) sa spasyłkaj na pres-słužbu hienštaba Sił abarony Estonii.

Pa dadzienych estonskich vajskoŭcaŭ, rasijski samalot znachodziŭsia ŭ pavietranaj prastory krainy amal chvilinu. Ił-76 nie mieŭ kantaktu z Centram kiravańnia palotami Estonii. Pry hetym transpondar samalota byŭ uklučany.

Jak adznačaje ERR, heta pieršaje parušeńnie pavietranych miežaŭ Estonii rasijskim samalotam u hetym hodzie. Pasła Rasii vyklikali ŭ estonski MZS, dzie jamu ŭručyli notu.