Butelkaj pa hałavie: u Polščy źbili siemiarych biełarusaŭ za toje, što jany havaryli miž saboj pa-rusku

18.04.2018 / 17:18

Polskija SMI masava paviedamlajuć pra zdareńnie ŭ horadzie Hołdap. Pavodle viersii prakuratury,

8 krasavika troje miascovych žycharoŭ z prymianieńniem ślezaciečnaha hazu nakinulisia na siemiarych biełarusaŭ, jakija pryjechali ŭ horad na zarobki. 

«U hramadzian Biełarusi raspylili haz, potym pačali bić rukami, adzin z napadnikaŭ biŭ butelkaj pa hałavie», — paviedamlajuć polskija SMI. 

Ilustracyjnaje fota

Troch złačyncaŭ zatrymali amal adrazu ž paśla zdareńnia, jany pryznali svaju vinu i patłumačyli, što bili za toje, što tyja ŭ čužoj kampanii «havaryli pa-rusku». 

Ciapier trom zatrymanym pahražaje pa 7,5 hoda źniavoleńnia, ale jany adpuščanyja pad padpisku ab niavyjeździe. 

Polskija miedyja nahadvajuć, što ŭ horadzie Hołdap žyvie i pracuje kala 200 biełarusaŭ.