Бяспраўнік у Пінску збіў двухгадовую дзяўчынку на пешаходным пераходзе
05.05.2018 / 18:42
У Пінску бяспраўнік збіў на нерэгуляваным пешаходным пераходзе двухгадовую дзяўчынку, паведамляе БелТА са спасылкай на сайт ДАІ Брэсцкай вобласці.
Інцыдэнт адбыўся 4 мая каля 17.00. Паводле папярэдняй інфармацыі, 31-гадовы жыхар Івацэвічаў, не маючы права кіравання транспартным сродкам, ехаў за рулём аўтамабіля «Мерсэдэс».
Ён наехаў на пешахода, які пераходзіў праезную частку па нерэгуляваным пераходзе. У выніку здарэння двухгадовая мясцовая жыхарка дастаўлена ў бальніцу. Па факце ДТЗ праводзіцца праверка. Устаноўлена, што раней кіроўца восем разоў прыцягваўся да адміністрацыйнай адказнасці за парушэнні ПДР.