Цана нафты Brent перавысіла $76 за бараль упершыню з лістапада 2014 года

07.05.2018 / 20:13

Цана ф'ючарсаў на нафту маркі Brent упершыню з канца лістапада 2014 года перавысіла $76 за бараль. Пра гэта сведчаць дадзеныя біржы ICE.

Рост каціровак працягваецца з пачатку года, на працягу апошніх некалькіх тыдняў пераадолеўшы некалькі важных адзнак. У канцы красавіка цана Brent прабіла $75 за бараль. Нафта паступова аднаўляе пазіцыі, якія былі страчаны падчас абвалу цэн восенню 2014 года, калі каціроўкі ўпалі ў два разы — з больш чым $100 за бараль у верасні да $50 да студзеня 2015 года.