Першы ў Беларусі помнік Касцюшку адкрыюць 12 мая
11.05.2018 / 20:08
Адкрыццё першага ў Беларусі помніка Тадэвушу Касцюшку адбудзецца ў суботу, 12 мая а 12-ай гадзіне каля яго роднай хаты ў Марачоўшчыне (Івацэвіцкі раён).
Гэты помнік будзе пастаўлены на народныя грошы — на яго ахвяравалі больш за 700 чалавек. Гэнік Лойка бясплатна стварыў эскіз і вылепіў помнік у натуральную велічыню. А заслаўская фірма «Гранітны свет» пагадзілася вырабіць шыкоўны пастамент за паўцаны.
Глеб Лабадзенка паведамляе, што толькі з Мінска на адкрыццё едзе каля 300 чалавек, а таксама будуць людзі з іншых гарадоў Беларусі.