Ukrainski baksior Vasil Łamačenka ustanaviŭ rekord i staŭ čempijonam śvietu pa viersii WBA

13.05.2018 / 15:12

Fota z sajta xsport.ua

Ukrainski baksior Vasil Łamačenka pieramoh techničnym nakaŭtam vieniesuelca Chorchie Linaresa i zavajavaŭ tytuł čempijona śvietu pa viersii Suśvietnaj baksiorskaj asacyjacyi (WBA) u lohkaj vazie.

Fota: 24tv.ua

Boj, jaki prajšoŭ u subotu ŭ Ńju-Jorku, zaviaršyŭsia pieramohaj Łamačenki techničnym nakaŭtam u dziesiatym raŭndzie.

«Nadzvyčaj paśpiachovaja noč dla ŭsich zaŭziataraŭ boksa va Ukrainie i va ŭsim śviecie. Naš Vasil Łamačenka ŭ čarhovy raz bliskuča pieramoh na lehiendarnaj arenie Madison Square Garden, upeŭniena adoleŭšy baksiora z Vieniesueły Chorchie Linaresa. Vinšujem našaha čempijona! Ty mieha kruty!» — napisaŭ prezident Ukrainy Piatro Parašenka.

Nadzvičajno uśpišna nič dla vsich vbolivalnikiv boksu.

Naš Vasil Łomačienko zdobuv čierhovu pieriemohu na lehiendarnij arieni Madison Square Garden, vpievnieno zdołavši Chorchie Linariesa.

Ŝiro vitaєmo našoho čiempiona! Ti – mieha krutij! pic.twitter.com/io3T4sydSk

— Pietro Porošienko (@poroshenko) 13 maja 2018 h.

30-hadovy Łamačenka ustanaviŭ rekord pa najmienšaj kolkaści bajoŭ, jakija spatrebilisia, kab zavajavać tytuł čempijona śvietu siarod prafiesijanałaŭ u troch vahavych katehoryjach — 12. Pieramoha stała dla Łamačenki 11-j u dvanaccaci bajach. U śniežni 2017 hoda ŭkrainiec abaraniŭ čempijonski pojas u napaŭlohkaj vazie pa viersii Suśvietnaj baksiorskaj arhanizacyi (WBO), pieramohšy kubinca Hiljerma Ryhonda. Adzinuju parazu spartoviec paciarpieŭ u sakaviku 2014 hoda ŭ bai suprać mieksikanca Arłanda Salida.

Čytajcie taksama: Što heta za pojas WBA, jaki zavajavaŭ biełaruski baksior Kirył Relich? Tłumačym