Украінскі экспарт у Польшчу амаль дагнаў Расію
16.05.2018 / 22:18
У першым квартале 2018 экспарт украінскіх тавараў вырас на 10,3%, дасягнуўшы $11,4 мільярда. Адначасова імпарт тавараў ва Украіну вырас на 13,2%, склаўшы $12,6 мільярда.
Пры гэтым экспарт у краіны ЕС вырас на 27,4% — да $5,07 мільярда.
Найбуйнейшым рынкам збыту ўкраінскіх тавараў застаецца Расія — у першым квартале туды было экспартавана тавараў на $853 мільёна. Зрэшты, у параўнанні з аналагічным перыядам мінулага года экспарт у Расію ўпаў на 7,6%.
Як вынік — экспарт у Польшчу, які вырас на 31,7%, амаль «дагнаў» паказчык экспарту ў Расію. У Польшчу было экспартавана тавараў на суму $816,2 мільёна.