Tramp pryhraziŭ KNDR «livijskim scenaram»

18.05.2018 / 09:48

Prezident ZŠA Donald Tramp nazvaŭ mahčymym raźvićcio padziej u Paŭnočnaj Karei pa «livijskaj madeli», kali z krainaj nie budzie zaklučana pahadnieńnie ab jadziernym razzbrajeńni.

Pra heta amierykanski lidar zajaviŭ na sustrečy z hienieralnym sakratarom NATA Jensam Stołtenbierham.

Kab nie paŭtaryć los kiraŭnika Livii Muamara Kadafi, Tramp prapanavaŭ lidaru KNDR Kim Čen Ynu prytrymlivacca «paŭdniovakarejskaha scenara».

Donald Tramp i Kim Čen Yn pavinny pravieści pieramovy ŭ Sinhapury 12 červienia. Heta buduć pieršyja ŭ historyi asabistyja pieramovy dziejučaha prezidenta ZŠA i lidara Paŭnočnaj Karei.