У пункце пропуску «Казловічы» ўтварыліся заторы
21.05.2018 / 18:43
У пункце пропуску «Казловічы» назіраецца вялікая колькасць грузавых машын на выезд з Беларусі ў Польшчу, паведамляе Брэсцкая мытня.
Паведамляецца, што польскі бок уводзіць у эксплуатацыю новае абсталяванне. Мытныя органы Беларусі працуюць у штатным рэжыме. Аўтамабілі, якія прыбываюць у пункт пропуску «Казловічы» для выезду ў Польшчу, афармляюцца аператыўна.
Па стане на 16.00, перад пунктам пропуску «Казловічы» ў напрамку выезду з Беларусі знаходзіцца каля 150 аўтамабіляў.