Гаворыць Скрыплеў: хер з імі, гэнымі скарпэткамі
Васіль Грынь жыве на хутары Скрыплеў у Валожынскім раёне. Ягоная аграсядзіба «Засценак Скрыплеў» прымае турыстаў. А Васіль запісвае (на дыялекце) размовы гасцей з Мінска і Масквы. а таксама свае размовы з жыхарамі Скрыплева і суседняй вёскі Гародзькі. Гэта трэба чуць.
23.06.2018 / 11:30
— Чаго ты равеш на сабаку?
— Ай, вот гаўно малоя, скарпэтку некуды паперла… новую пару ў Варшаві купіўшы… халера бяры.
— Ммм.. вот хвароба… гэта яна, сучка, так цябе любя.
— Як?
— Тхне ёй.
— Я ж іх пасціраўшы.
— Усё роўна… ёй тхне… зара' мы папытаім. А ну кажы, куды ты скарпэтку збэсціла! засранка мурзатая!
— Аў-аў-аууууу!
— Вот… нешта ж гавора… тока ні па-нашаму… хер з імі, гэнымі скарпэткамі… навейшыя купіш.