Міністр антыманапольнага рэгулявання Калтовіч: Калі для краіны дастаткова адной «Белавія»…
На працягу года будзе разгледжана пытанне аб магчымай дэманапалізацыі шасці галін эканомікі. Пра гэта заявіў міністр антыманапольнага рэгулявання і гандлю Уладзімір Калтовіч, паведамляе Tut.by.
29.05.2018 / 16:36
— Міжведамасная камісія пры першым віцэ-прэм'еры Васілі Мацюшэўскім прыме рашэнне, якія сферы будзе разумна дэманапалізаваць, — сказаў Уладзімір Калтовіч.
— Канкурэнцыя дзеля канкурэнцыі не патрэбная. Напрыклад, калі мы ўбачым, што для нашай краіны дастаткова эфектыўна адной авіякампаніі «Белавія» і не трэба ніякіх змен, то абярэм гэты шлях. Там, дзе трэба захаваць манаполію, яна будзе захавана.
Разам з тым створым «дарожныя карты» па кожнай галіне, дзе па гадах будзе распісана, што і як трэба рабіць, каб дэманапалізаваць рынкі.