Miesca praviadzieńnia Kupalla ŭ Škłoŭskim rajonie śpiecyjalna apracujuć ad klaščoŭ
04.07.2018 / 08:16
Kupalle ŭ Aleksandryi hod tamu, president.gov.by
17 bryhad chutkaj miedycynskaj dapamohi buduć dziažuryć na śviacie «Kupalle» («Aleksandryja źbiraje siabroŭ») u ahraharadku Aleksandryja Škłoŭskaha rajona, što projdzie 7—8 łijenia, paviedamili BIEŁTA ŭ arhkamitecie mierapryjemstva.
«Pakolki padčas śviata čakajecca bolš za 100 tys. haściej i ŭdzielnikaŭ, to i miedycynskaje absłuhoŭvańnie pavinna być na vysokim uzroŭni i dastupnym. U suviazi z hetym na terytoryi tvorčaha prajekta buduć pracavać 15 bryhad chutkaj miedycynskaj dapamohi, u tym liku 2 reanimabili — dziciačy i darosły. U najbližejšych nasielenych punktach, Aleksandryi i Kopysi, buduć nieści kruhłasutačnaje dziažurstva pa adnoj bryhadzie chutkaj dapamohi», - raspaviali ŭ arhkamitecie.
Napiaredadni mierapryjemstva sanepidsłužby praviaduć sanitarnuju apracoŭku łuhaviny Dniapra ad klaščoŭ.
U śviacie tradycyjna biare ŭdzieł Alaksandr Łukašenka.