У Японіі праз паводку загінулі 70 чалавек
08.07.2018 / 12:51
Семдзесят чалавек загінулі, дзясяткі іншых зніклі без вестак па інфармацыю на нядзелю ў выніку маштабных паводак і апоўзняў у Японіі, паведамляе Kyodo news.
У прэфектуры Акаяма, адным з найбольш пацярпелых раёнаў, выратавальнікі знялі з дахаў затопленых дамоў больш за тысячу чалавек.
Да выратавальных работ прыцягнутыя 54 тысячы супрацоўнікаў паліцыі, пажарных, сіл самаабароны і берагавой аховы Японіі.
Залевы ў Японіі пачаліся ў чацвер.