Rasijski suddzia pryjšoŭ na zapraŭku z absalutna hołaj žančynaj. A paśla patłumačyŭ, što jaho padstavili VIDEA

21.08.2018 / 13:18

Rasijski internet abmiarkoŭvaje dziŭnaje videa, na jakim staŭrapalski suddzia Juryj Makaraŭ zachodzić na zapraŭku z absalutna hołaj žančynaj. Jany vychodziać z biełaha ŭsiezadarožnika i iduć u kramu pry aŭtazapraŭcy. Zatym dziaŭčyna kuplaje šampanskaje, a mužčyna zdymaje heta na telefon.

Staršynia Kastryčnickaha rajonnaha suda Staŭrapala Juryj Makaraŭ pryznaŭ, što na roliku sapraŭdy jość jaho mašyna. Ale davodzić, što na videa nie jon: «U mianie niama takoha žyvata! Ja nie maju nijakaha dačynieńnia da mužčyny na roliku».

Paśla jon ahučyŭ dziŭnuju viersiju pomsty — nibyta ŭ pačatku 2000-ych jon asudziŭ adnaho z paplečnikaŭ čačenskaha bajevika Šamila Basajeva, a toj abiacaŭ adpomścić roŭna praz 16 hadoŭ.

Tym nie mienš Makaraŭ užo padaŭ u adstaŭku.