Navalny abvinavaciŭ «Viedomosti», «Kommiersant» i RBK u zamoŭčvańni infarmacyi pra majomaść pucinskaj viarchoŭki
21.08.2018 / 16:50
Alaksiej Navalny, vk.com.
Rasijski apazicyjanier Alaksiej Navalny pasvaryŭsia z žurnalistami niekalkich rasijskich vydańniaŭ. Sprečka pačałasia z rasśledavańnia Navalnaha, u vyniku jakoha jon znajšoŭ šykoŭnyja apartamienty ŭ pažyłoj maci śpikiera rasijskaha parłamienta.
Navalny aburyŭsia, što pra rasśledavańnie ničoha nie napisali dziełavyja vydańni «Kommiersant», «Viedomosti» i RBK.
«Viedomosti» apublikavali natatku, zajaviŭšy, što nie rabili hetaha, tamu što treba było zrabić faktček (pravierku dakładnaści faktaŭ), u jakim, pa słovach apazicyjaniera, nie było patreby. Dastatkova było samoha dopisu i vypiski z rejestra, piša jon.
Dalej žurnalisty «Viedamaściaŭ» pačali publikavać dopisy ŭ Facebook ab tym, što dla publikacyi materyjału nieabchodny faktček i jany nie abaviazany vieryć na słova. Eks-redaktar «Viedamaściaŭ» Łysova apublikavała post u fejsbuku, dzie abraziła Navalnaha. Łysova ciapier pracuje šef-redaktaram słužby palityčnaj infarmacyi «Interfaksa».