Łukašenka nie pajechaŭ z Pucinym na turnir pa samba paśla pieramovaŭ, nasupierak prahramie

23.08.2018 / 01:56

Uładzimir Pucin na turniry pa samba, 22 žniŭnia. Fota Kremlin.ru.

Pieramovy prezidentaŭ Biełarusi i Rasii prajšli 22 žniŭnia ŭ Sočy. Vyniki sustrečy pakul nieviadomyja. 

Ź cikavych faktaŭ: Alaksandr Łukašenka nie naviedaŭ turnir pa bajavym samba, jaki tradycyjna prachodzić u Sočy pad patranažam prezidenta Rasii. Choć pres-sakratar prezidenta Dźmitryj Piaskoŭ raniej anansavaŭ prysutnaść biełaruskaha hościa na im, a sam Pucin u prysutnaści žurnalistaŭ adznačaŭ: «Alaksandr Ryhoravič, rady vas bačyć. U nas z vami siońnia jašče budzie viačerniaja, spartyŭnaja, prahrama».

Uviečary Piaskoŭ rastłumačyŭ adsutnaść Łukašenki tak: «Ničoha nie zdaryłasia. U Łukašenki byli inšyja płany. Pieramovy prajšli vielmi dobra».

SH