Яшчэ адзін лаўкостар мяняе правілы правозу багажу
25.08.2018 / 10:46
Лаўкостар Wizz Air мяняе правілы правозу багажу следам за Ryanair.
Пасажыры могуць бясплатна правезці багаж памерам 55×40×23 сантыметраў, аднак у салон узяць яго змогуць толькі тыя, хто аплаціць паслугу WIZZ Priority (каштуе ад 5 да 12 еўра пры куплі праз інтэрнэт). Астатнія ж могуць пранесці ў самалёт багаж памерам менш за 40×30×18 сантыметраў, але размяшчаць яго трэба будзе пад сядзеннем.
Пасажыры, у якіх ручная паклажа перавышае памеры 40×30×18 сантыметраў, павінны здаць яе на стойцы рэгістрацыі і забіраць пасля палёту на багажнай стужцы.