«Moj siabar žyrafa» ŭvajšoŭ u TOP-5 minskaha kinaprakata
07.09.2018 / 16:59
«Moj siabar žyrafa» staŭ pieršym biełaruskamoŭnym filmam u historyi, jaki ŭvajšoŭ u TOP-5 minskaha kinaprakata. Jon praciahvaje iści ŭ Minsku, Breście i Viciebsku.
Pavodle statystyki Minskaha kinavideaprakata film «Moj siabar žyrafa» uvajšoŭ u rejtynh samych papularnych filmaŭ tydnia na 4 miescy — kala 3000 naviednikaŭ za ŭikend. Film pa-biełarusku ŭvajšoŭ u TOP-5 upieršyniu ŭ historyi Biełarusi!
Kampaniju jamu skłali karciny «Hohal: strašnaja pomsta», «Meh: monstar hłybini», «Kryštal» i «Alfa».
Nie prapuścicie hety film i vy! Jon padabajecca jak maleńkim dzietkam, tak i darosłym. «Moj siabar žyrafa» idzie ŭsie vychodnyja ŭ kinateatrach Minska, Viciebska i Bresta.
Z 13 vieraśnia jon startuje ŭ kinateatrach Minskaj vobłaści, a z kastryčnika — ŭ Mahiloŭskaj i Homielskaj vabłaściach.
Film pierakładzieny i ahučany pa-biełarusku ŭ ramkach prajekta «Biełaruskija ŭikendy» kampanijaj «Kinakonh» pry padtrymcy velcom. Film pra niezvyčajnaje siabroŭstva pieršakłaśnika Dzikieče Dapa i žyrafy pa imieni Raf źniaty pavodle tvora niderłandskaj kazačnicy Ani Šmidt.
Kožnaje dzicia, što naviedaje sieansy hetaha filma ŭ kinateatrach, atrymaje padarunak — kazku-malavanku «Moj siabar žyrafa ŭ Biełarusi».