Rasijski žurnalist: Padazravany ŭ zamachu na Skrypaloŭ pałkoŭnik HRU Čapiha evakuiravaŭ Janukoviča ŭ Rasiju
01.10.2018 / 19:33
Padazravany ŭ zamachu na byłoha rasijskaha vajennaha raźviedčyka Siarhieja Skrypala ŭ brytanskim Sołśbiery pałkoŭnik HRU Anatol Čapiha ŭ 2014 hodzie braŭ udzieł u apieracyi pa vyvazie ŭ Rasiju eks-prezidenta Ukrainy Viktara Janukoviča, paviedamiŭ «Hromadśkamu» rasijski žurnalist, udzielnik rasśledavańnia The Insider i Bellingcat Siarhiej Kanieŭ.
«Jon sa svaim padraździaleńniem śpiecnaza prybyŭ u rezidencyju Janukoviča — Miežyhorje. Znachodziŭsia tam, achoŭvaŭ jaho. Adtul jany transpartavali jaho ŭ Krym i ŭ Rasiju», — raspavioŭ Kanieŭ.
Pavodle jaho słoŭ, za evakuacyju Janukoviča Čapiha razam z byłym achoŭnikam Pucina Alaksiejem Dziuminym (ciapier — hubiernatar Tulskaj vobłaści) atrymali zvańnie hieroja Rasii.