У Лунінцы бацька вярнуўся дахаты: жонка з сабутэльнікам п'яныя, а немаўля забітае
28.10.2018 / 13:13
Здарэнне адбылося 27 кастрычніка. 28-гадовы мужчына вярнуўся дахаты і пабачыў забітую дачку. Ёй быў адзін год.
Як паведамляе СК у сваім тэлеграм-канале, у гэты час у кватэры знаходзіліся 25-гадовая маці дзяўчынкі і 47-гадовы знаёмы сям'і, яны былі п'яныя.
Паводле інфармацыі «Медыя-Палесся», напярэдадні вечарам у госці да сям'і прыйшла пара. Падчас застолля кампанію раздражняў плач малой. Дзіця забілі, перарэзаўшы яму горла.
Заведзена крымінальная справа. Затрыманыя маці і яе знаёмы.
У сям'і выхоўваецца двое старэйшых дзяцей — хлопчыкі 4-х і 6-ці гадоў. Сям'я стаіць на ўліку сацыяльна небяспечных.