Названая наступная ахвяра «Ісламскай дзяржавы»
01.11.2018 / 10:45
Наступнай ахвярай тэрарыстычнай групоўкі «Ісламская дзяржава» названа Іарданія. Адпаведнае расследаванне апублікаваў The National Interest.
Паводле журналістаў, вялікая колькасць іарданцаў з'ехалі з краіны, каб далучыцца да ІД, і цяпер яны вяртаюцца на радзіму. У найбліжэйшы час краіна, якая зараз з'яўляецца адным з саюзнікаў ЗША, стане мэтай нападаў, упэўнены аўтары артыкула.
Выданне прыводзіць у прыклад атаку ў горадзе Эс-Салце ў жніўні. Тады тэрарысты забілі чатырох супрацоўнікаў паліцыі, яшчэ 16 грамадзянскіх пацярпелі. Пасля інцыдэнту ўлады арыштавалі пяцярых падданых Іарданіі, якія ўзялі на сябе адказнасць за тэракт.