Галоўны тэлевядучы Расіі, які каментаваў інаўгурацыі Пуціна, прызнаўся, што мае грамадзянства Брытаніі
27.11.2018 / 19:43
Вядучы тэлеканала «Расія 1» Сяргей Брылёў пракаментаваў расследаванне расійскага апазіцыянера Аляксея Навальнага пра наяўнасць у яго брытанскага пашпарта. Журналіст заявіў, што ніколі не ўтойваў свайго другога грамадзянства.
«Наяўнасць у мяне спачатку брытанскага пасведчання на права жыхарства, а потым і другога грамадзянства — факт, які выдатна вядомы маім працадаўцам», — напісаў ён.
Па словах вядучага, ён ніколі гэтага не ўтойваў і праінфармаваў аб наяўнасці другога грамадзянства Федэральную міграцыйную службу.
Брылёў падкрэсліў, што не парушае ніякіх законаў, паколькі не з'яўляецца дзяржаўным служачым і не мае доступу да дзяржаўнай тайны.