Проста паглядзіце, што рабілі ногі Пуціна падчас яго сустрэчы з Лукашэнкам ВІДЭА
25.12.2018 / 19:13
Уладзімір Пуцін і Аляксандр Лукашэнка завяршылі перамовы, якія працягваліся чатыры гадзіны. Па меркаванні назіральнікаў, найбольш вострым пытаннем стала тэма кампенсацыі Мінску стратаў у даходах ад падатковага манеўру, які праводзіць Масква. Расійскі ж бок хвалюе пытанне перыядычных парушэнняў Беларуссю мытнага рэжыму Саюзнай дзяржавы, перадае ТАСС.
Чакалася, што перамовы будуць складанымі і напружанымі. Карыстальнікі сацыяльных сетак звярнулі ўвагу на рухі ног і рук Пуціна падчас яго вітальных словаў і прамовы Лукашэнкі.
У відэарэпартажы — ад 00:43:
Сустрэча пачалася ў пашыраным фармаце з удзелам членаў дэлегацый дзвюх краін. З расійскага боку ў іх узялі ўдзел першы віцэ-прэм'ер — міністр фінансаў Антон Сілуанаў, кіраўнік МЗС Сяргей Лаўроў, віцэ-прэм'ер Дзмітрый Козак, міністр эканамічнага развіцця Максім Арэшкін, а таксама пасол РФ у Беларусі Міхаіл Бабіч.
Беларускі бок прадстаўлялі віцэ-прэм'еры Ігар Петрышэнка і Ігар Ляшэнка, міністр фінансаў Беларусі Максім Ермаловіч, кіраўнік МЗС Уладзімір Макей і пасол у Расіі Уладзімір Сямашка.