Трамп зноў выкарыстаў слоган «Гульні тронаў», на гэты раз для сцяны з Мексікай

04.01.2019 / 17:36

Прэзідэнт ЗША Дональд Трамп зноў выкарыстаў слоган з серыяла «Гульня тронаў», хоць аўтары сагі раней прасілі не рабіць гэтага ў палітычных мэтах.

Трамп апублікаваў на сваёй старонцы фотакалаж пра будаўніцтва сцяны ад мігрантаў на мяжы з Мексікай. Фотаздымак суправаджаецца слоганам «The Wall Is Coming» («Сцяна блізка»). Арыгінальны слоган «Гульні тронаў» гучыць як «Winter Is Coming» («Зіма блізка»).