На ўсерасійскай алімпіядзе вучням прапанавалі перакладаць словы на беларускую мову
14.01.2019 / 16:44
Заданне з алімпіяды выклаў у сваім фэйсбуку Аляксей Бялоў.
У заданні для дзесяцікласнікаў напісаныя словы на беларускай мове — «мядзведзь», «дэпутат», «зеленаваты»…
Па аналогіі трэба перакласці з рускай мовы на беларускую: «телепередача», «жеребец», «театр»…
Заданні, звязаныя з перакладам на беларускую мову, часам сустракаюцца і ў іншых расійскіх конкурсах. Напрыклад, некалькі гадоў таму ў турніры імя Ламаносава (PDF) школьнікам прапаноўвалася разабрацца ў правапісе словаў кшталту «радыЁапаратура» і «радыЯгенны».