Dziaržaŭnaje apytańnie: 60% biełarusaŭ za śmiarotnaje pakarańnie

08.02.2019 / 11:53

60% biełarusaŭ vystupajuć za zachavańnie śmiarotnaha pakarańnia. Heta vyniki daśledavańnia, praviedzienaha Infarmacyjna-analityčnym centram pry Administracyi prezidenta ŭ 2017 hodzie. 

Mierkavańni padzialilisia nastupnym čynam:

• Za zachavańnie śmiarotnaha pakarańnia — 60%.
• Za admienu śmiarotnaha pakarańnia — 18,5%
• Za ŭviadzieńnia maratoryja — 12,5%
• Nie zmahli adkazać — 9%.

IAC ukazvaje, što kolkaść prychilnikaŭ śmiarotnaha pakarańnia vyrasła za hod — takim čynam, u 2016 hodzie ich dola składała 52%.

Pry hetym 23% biełarusaŭ ščyra miarkujuć, što śmiarotnaje pakarańnie doŭhi čas nie vykarystoŭvajecca ci ŭvohule ŭžo admienienaje.

***

Padčas refierendumu-1996 za admienu śmiarotnaha pakarańnia vykazalisia 18% udzielnikaŭ, za zachavańnie — 80%.

Sacyjałahičnaje apytańnie, praviedzienaje kampanijaj Satio u 2013-2014, davała nastupnyja ličby: 43% respandentaŭ za admienu śmiarotnaha pakarańnia, 42% — za zachavańnie.

A voś hałasavańnie ŭ kancy 2018 hoda na partale Tut.by prademanstravała, što za admienu śmiarotnaha pakarańnia vystupaje 41% internaŭtaŭ, a za zachavańnie — 49%.