«Белавія» прапанавала адносна недарагія квіткі ў Талін і Хельсінкі
01.03.2019 / 18:45
Авіякампанія «Белавія» запусціла новую акцыю па напрамках, на якія раней акцыя не распаўсюджвалася — у Талін і Хельсінкі.
Новы рэйс у Талін стартуе з 30 мая. На кожны чацвер і суботу ў перыяд з 30 мая па 29 чэрвеня кошт у адзін бок — 43 еўра, туды-назад — 86 еўра.
Акцыя распаўсюджваецца на палёты ў Хельсінкі ў перыяд з 15 красавіка па 31 мая. Кошт у адзін бок — 41 еўра, туды-назад — 90 еўра.