У Лунінецкім раёне абрабавалі 89-гадовую жанчыну, бо не хапіла грошай на выпіўку
17.06.2019 / 14:15
У міліцыю звярнулася жанчына, якая паведаміла, што невядомыя сілай забралі ў яе 89-гадовай маці кашалёк з грашыма, паведамляе БелТА
Гэта былі 25-гадовы хлопец і яго 33-гадовы раней неаднаразова судзімы прыяцель.
Прычым фігуранты — таварышы сына. У той дзень яны разам выпівалі ў двары яе дома. Дачка жанчыны выгнала кампанію, аднак неўзабаве двое мужчын вярнуліся.
Ім захацелася выпіць, але грошай на куплю алкаголю не было. Калі гаспадыня засталася адна, яны зайшлі ў яе хату. Гвалтам утрымліваючы жанчыну, яны абшуквалі яе кішэні, знайшлі кашалёк з 400 рублямі і пайшлі ў краму.
Злачынцы затрыманыя.